Psalms 126
World English Bible (en) → Yoruba Contemporary Bible (Biblica) (yo)
Key words
- 1
Nígbà tí Olúwa mú ìkólọ Sioni padà, àwa dàbí ẹni tí ó ń lá àlá.
- 2
Nígbà náà ni ẹnu wa kún fún ẹ̀rín, àti ahọ́n wa kọ orin; nígbà náà ni wọ́n wí nínú àwọn kèfèrí pé, Olúwa ṣe ohun ńlá fún wọn.
- 3
Olúwa ṣe ohun ńlá fún wa; nítorí náà àwa ń yọ̀.
- 4
Olúwa mú ìkólọ wa padà, bí ìṣàn omi ní gúúsù.
- 5
Àwọn tí ń fi omijé fún irúgbìn yóò fi ayọ̀ ka.
- 6
Ẹni tí ń fi ẹkún rìn lọ, tí ó sì gbé irúgbìn lọ́wọ́, lóòtítọ́, yóò fi ayọ̀ padà wá, yóò sì ru ìtí rẹ̀.