Joshua 12
World English Bible (en) → Yoruba Contemporary Bible (Biblica) (yo)
- 1
Ìwọ̀nyí ní àwọn ọba ilẹ̀ náà tí àwọn ará Israẹli ṣẹ́gun, tí wọ́n sì gba ilẹ̀ wọn ní ìlà-oòrùn Jordani, láti odò Arnoni dé òkè Hermoni, pẹ̀lú gbogbo ìhà ìlà-oòrùn aginjù:
- 2
Sihoni ọba àwọn Amori, tí ó jẹ ọba ní Heṣboni.
- 3
Ó sì ṣe àkóso ní orí ìlà-oòrùn aginjù láti Òkun Kinnereti sí ìhà Òkun ti aginjù (ti o túmọ̀ sí Òkun Iyọ̀), sí Beti-Jeṣimoti, àti láti gúúsù lọ dé ìsàlẹ̀ ẹsẹ̀ òkè Pisga.
- 4
Àti agbègbè Ogu ọba Baṣani, ọ̀kan nínú àwọn tí ó kù nínú àwọn ará Refaimu, ẹni tí ó jẹ ọba ní Aṣtarotu àti Edrei.
- 5
Ó ṣe àkóso ní orí òkè Hermoni, Saleka, Baṣani títí dé ààlà àwọn ènìyàn Geṣuri àti Maakati, àti ìdajì Gileadi dé ààlà Sihoni ọba Heṣboni.
- 6
Mose ìránṣẹ́ Olúwa àti àwọn ọmọ Israẹli sì borí wọn. Mose ìránṣẹ́ Olúwa sì fi ilẹ̀ wọn fún àwọn ẹ̀yà Reubeni, àwọn ẹ̀yà Gadi àti ìdajì ẹ̀yà Manase kí ó jẹ́ ohun ìní wọn.
- 7
Ìwọ̀nyí ní àwọn ọba ilẹ̀ náà tí Joṣua àti àwọn ọmọ Israẹli ṣẹ́gun ní ìhà ìwọ̀-oòrùn Jordani, láti Baali-Gadi ní àfonífojì Lebanoni sí òkè Halaki, èyí tí o lọ sí ọ̀nà Seiri (Joṣua sì fi ilẹ̀ wọn fún àwọn ẹ̀yà Israẹli ní ilẹ̀ ìní gẹ́gẹ́ bí ìpín ẹ̀yà wọn:
- 8
ilẹ̀ òkè, ní ẹsẹ̀ òkè ní ìhà ìwọ̀-oòrùn òkè aginjù, ní gẹ̀rẹ́gẹ̀rẹ́ òkè, ní aginjù àti nì gúúsù ilẹ̀ àwọn ará: Hiti, Amori, Kenaani, Peresi, Hifi àti àwọn ará Jebusi).
- 9
Ọba Jeriko, ọ̀kan
- 10
ọba Jerusalẹmu, ọ̀kan
- 11
ọba Jarmatu, ọ̀kan
- 12
ọba Egloni, ọ̀kan
- 13
ọba Debiri, ọ̀kan
- 14
ọba Horma, ọ̀kan
- 15
ọba Libina, ọ̀kan
- 16
ọba Makkeda, ọ̀kan
- 17
ọba Tapua, ọ̀kan
- 18
ọba Afeki, ọ̀kan
- 19
ọba Madoni, ọ̀kan
- 20
ọba Ṣimroni-Meroni, ọ̀kan
- 21
ọba Taanaki, ọ̀kan
- 22
ọba Kedeṣi, ọ̀kan
- 23
ọba Dori (ní Nafoti Dori), ọ̀kan
- 24
ọba Tirsa, ọ̀kan.