Proverbs 30
World English Bible (en) → Hausa Open Bible (Biblica) (ha)
- 1
Maganganun Agur ɗan Yake, magana ce horarriya. Wannan mutum ya furta wa Itiyel da kuma ga Ukal,
- 2
“Ni ne mafi jahilci a cikin mutane; ba ni da fahimi irin na mutum.
- 3
Ban koyi hikima ba, ba ni kuma da sani game da Mai Tsarkin nan,
- 4
Wane ne ya taɓa haura zuwa sama ya dawo? Wane ne ya tattara iska a tafin hannuwansa? Wane ne ya nannaɗe ruwaye a cikin rigarsa? Wane ne ya kafa dukan iyakokin duniya? Mene ne sunansa, da kuma sunan ɗansa? Faɗa mini in ka sani!
- 5
“Kowace maganar Allah ba ta da kuskure; shi ne garkuwa ga waɗanda suke neman mafaka daga gare shi.
- 6
Kada ka ƙara ga maganarsa, in ba haka ba zai tsawata maka ya kuma nuna kai maƙaryaci ne.
- 7
“Abu biyu ina roƙonka, ya Ubangiji; kada ka hana ni kafin in mutu.
- 8
Ka kawar da ƙarya da kuma ƙarairayi nesa da ni; kada ka ba ni talauci ko arziki, amma ka ba ni abincina na yini kaɗai.
- 9
In ba haka ba, zan wadace in ƙi ka har in ce, ‘Wane ne Ubangiji?’ Ko kuwa in zama matalauci in yi sata ta haka in kunyata sunan Allahna.
- 10
“Kada ka baza ƙarairayi game da bawa ga maigidansa, in ba haka ba, zai la’ance ka, za ka kuwa sha wahala a kan haka.
- 11
“Akwai waɗanda sukan zagi mahaifinsu ba sa kuma sa wa mahaifiyarsu albarka;
- 12
waɗanda sukan ɗauka su tsarkaka ne a ganinsu alhali kuwa ƙazamai ne su;
- 13
waɗanda kullum idanunsu masu kallon reni ne, waɗanda kallon da suke yi na daurin gira ne;
- 14
waɗanda haƙoransu takuba ne waɗanda kuma muƙamuƙansu tarin wuƙaƙe ne don su cinye matalauta daga duniya da kuma mabukata daga cikin mutane.
- 15
“Matsattsaku tana da ’ya’ya mata biyu. Suna kuka suna cewa, ‘Ba ni! Ba ni!’
- 16
Kabari, mahaifar da ba ta haihuwa,
- 17
“Idon da yake yi wa mahaifi ba’a, wanda yake wa mahaifiya dariyar rashin biyayya, hankakin kwari za su ƙwaƙule masa ido, ungulai za su cinye su.
- 18
“Akwai abubuwa uku da suke ba ni mamaki,
- 19
yadda gaggafa take firiya a sararin sama,
- 20
“Ga yadda mazinaciya take yi. Takan ci ta share bakinta ta ce, ‘Ban yi wani abu marar kyau ba.’
- 21
“Akwai abubuwa uku da duniya kan yi rawan jiki,
- 22
bawan da ya zama sarki,
- 23
macen da ba a ƙauna wadda ta sami miji,
- 24
“Akwai abubuwa huɗu a duniya da suke ƙanana,
- 25
Kyashi halittu ne da ba su da ƙarfi sosai,
- 26
remaye halittu ne da ba su da ƙarfi sosai,
- 27
fāra ba su da sarki,
- 28
ana iya kama ƙadangare da hannu,
- 29
“Akwai abubuwa uku da suke jan jiki da kuma taƙama a tafiyarsu
- 30
zaki mai ƙarfi a cikin namun jeji, wanda ba ya ratse wa kowa;
- 31
zakara mai taƙama,
- 32
“In ka yi wauta ka kuma ɗaukaka kanka, ko kuwa wani yana ƙulla maka mugunta, ka dāfa hannunka a bisa bakinka!
- 33
Gama kamar yadda kaɗaɗɗen madara takan kawo mai, murɗa hanci kuma takan sa a yi haɓo, haka tsokanar fushi takan kawo faɗa.”