Joshua 21
World English Bible (en) → Hausa Open Bible (Biblica) (ha)
- 1
To, a lokacin, sai shugabannin iyalan Lawiyawa suka je wurin Eleyazar firist, Yoshuwa ɗan Nun da kuma shugabannin sauran iyalan kabilu na Isra’ila a
- 2
Shilo cikin Kan’ana, suka ce musu, “Ubangiji ya yi umarni ta wurin Musa cewa a ba mu garuruwan da za mu zauna a ciki, da wurin kiwo mai kyau don dabbobinmu.”
- 3
Saboda haka kamar yadda Ubangiji ya umarta, sai Isra’ilawa suka ba wa Lawiyawa waɗannan garuruwa da wuraren kiwo daga cikin gādonsu.
- 4
Ƙuri’a ta farko ta fāɗa a kan Kohatawa bisa ga iyalansu. Sai aka ba wa Lawiyawa waɗanda suke ’yan zuriyar Haruna, firist, garuruwa goma sha uku daga kabilan Yahuda, Simeyon da Benyamin.
- 5
Sauran Kohatawan kuma aka ba su garuruwa goma daga iyalan kabilar Efraim, Dan da kuma rabi kabilar Manasse.
- 6
Aka kuma ba wa zuriyar Gershon garuruwa goma sha uku daga iyalan kabilan Issakar, Asher, Naftali, da kuma rabin kabilar Manasse a Bashan.
- 7
Aka ba wa zuriyar Merari bisa ga iyalansu, garuruwa goma sha biyu daga kabilan Ruben, Gad da Zebulun.
- 8
Haka Isra’ilawa suka ba wa Lawiyawa waɗannan garuruwa da wuraren kiwo masu kyau, yadda Ubangiji ya umarta ta wurin Musa.
- 9
Daga kabilan Yahuda da Simeyon ne aka ba su waɗannan garuruwan da aka ambata,
- 10
(ga garuruwan da aka ba wa zuriyar Haruna waɗanda suke daga iyalan Kohatawa na Lawiyawa, domin ƙuri’a ta farko ta fāɗa a kansu),
- 11
an ba su, Kiriyat Arba (wato, Hebron), da wurin kiwon da yake kewaye da ƙasar kan tudu ta Yahuda. (Arba shi ne kakan Anak.)
- 12
Amma sai aka ba Kaleb ɗan Yefunne filayen da kuma ƙauyukan da suke kewaye da birnin, su zama nasa.
- 13
Sai aka ba zuriyar Haruna firist, ƙasar Hebron (garin masu neman mafaka don sun yi kisa), da Libna,
- 14
da Yattir, da Eshtemowa,
- 15
da Holon, da Debir,
- 16
da Ayin, da Yutta, da kuma Bet-Shemesh, tare da wuraren kiwonsu, garuruwa tara ke nan daga kabilun nan biyu, Yahuda da Simeyon.
- 17
Daga kabilar Benyamin kuwa aka ba su,
- 18
Anatot da Almon, tare da wuraren kiwonsu, garuruwa huɗu ke nan.
- 19
Duka-duka garuruwan firistoci, zuriyar Haruna, su goma sha uku ne tare da wuraren kiwonsu.
- 20
Aka kuma ba wa sauran Kohatawa, iyalan Lawiyawa, garuruwa daga kabilar Efraim.
- 21
A ƙasar kan tudu ta Efraim, aka ba su,
- 22
Kibzayim da Bet-Horon, tare da wuraren kiwonsu, garuruwa huɗu ke nan.
- 23
Haka kuma daga kabilar Dan, aka ba su,
- 24
Aiyalon da Gat-Rimmon, tare da wuraren kiwonsu, garuruwa huɗu ke nan.
- 25
Daga rabin kabilar Manasse kuwa aka ba su,
- 26
Dukan garuruwan nan goma tare da wuraren kiwonsu ne aka ba sauran iyalan Kohatawa.
- 27
Aka ba wa zuriyar Gershon, waɗanda suke Lawiyawa, rabo.
- 28
daga kabilar Issakar kuma aka ba su
- 29
Yarmut da En Gannim, tare da wuraren kiwonsu, garuruwa huɗu ke nan;
- 30
daga kabilar Asher kuwa aka ba su,
- 31
Helkat da Rehob, tare da wuraren kiwonsu, garuruwa huɗu ke nan;
- 32
daga kabilar Naftali kuma aka ba su,
- 33
Duka-duka, garuruwan iyalan Gershonawa goma sha uku ne, tare da wuraren kiwonsu.
- 34
Aka ba wa iyalan Merari (sauran Lawiyawa) garuruwa,
- 35
Dimna da kuma Nahalal, tare da wuraren kiwonsu, garuruwa huɗu ke nan;
- 36
daga kabilar Ruben kuma aka ba su,
- 37
Kedemot da kuma Mefa’at, tare da wuraren kiwonsu, garuruwa huɗu ke nan;
- 38
daga kabilar Gad kuwa aka ba su,
- 39
Heshbon da kuma Yazer, tare da wuraren kiwonsu, garuruwa huɗu ke nan.
- 40
Duka-duka garuruwan da aka ba iyalan mutanen Merari, waɗanda su ne sauran Lawiyawa, garuruwa goma sha biyu ne.
- 41
Jimillar birane da wurarensu na kiwon da aka ba Lawiyawa daga cikin mallakar jama’ar Isra’ila guda arba’in da takwas ne.
- 42
Dukan garuruwan nan kowannensu yana kewaye da wurin kiwo.
- 43
Ubangiji kuwa ya ba Isra’ilawa dukan ƙasar da ya yi wa kakanninsu alkawari, suka kuwa mallake ta, suka zauna a cikinta.
- 44
Ubangiji ya ba su hutawa a kowane gefe kamar yadda ya yi wa kakanninsu alkawari, ba ko ɗaya daga cikin abokan gābansu da ya iya cinsu da yaƙi.
- 45
Ubangiji kuwa ya cika kowane alkawarin alherin da ya yi wa mutanen Isra’ila.